في الحلقة الاولى من مسلسل the age of youth :
البنت كان اول يوم ليها في الكلية قعدت في سكن طالبات ، طالبات متعرفهمش اول مرة تشوفهم ..
وهنا ظهر اول مشكلة في العلاقات خصوصاً اللي لسه بتتعرف عليها ..
البنت في الاول كانت بتستغرب تصرفاتهم .. واحدة تاخد حاجتها بدون استئذانها لحد ما تخلصهالها.. واحدة تدخل تزعقلها عشان حاجة و تمشي … ممكن واحدة تدوس على حاجتها .. واحدة تشيليها حاجتها و تقولها احجزيلي مكان في المكتبة بتاعت الكلية و دا ممنوع انحد يحجز لحد و في الاخر مجتش اصلا المكتبة فعملتلها مشاكل في المكتبة و اضطرت تروح السكن بحاجات شايلة حاجاتها و حاجاتزميلتها …
و اول ما روحت .. سمعتها بتتنمر عليها من وراها …
و هنا كان الانفجار
انفجرت و عيطت و سألتهم انتوا بتعملوا كدا ليه .. انا مستهلش دا منكم و دخلت اوضتها و عيطت …
و بعدها قعدوا معاها وقالولها انتي كتمتي ليه لحد ما انفجرتي كدا … انتي اعتقدتي اننا هنفهم اللي جواكي من غير ما تقوليه .. و دا فيالواقع ممكن ميحصلش …
و انه اه ممكن حاجات تدايقك في شخص و متتغيرش بس على الاقل تبقى قلتي
فكل واحدة منهم قالت للتانية الحاجات اللي بتدايقها منها و البنت هنا اكتشفت انها مش لوحدها اللي بتدايق منهم في حاجات و ان همكمان كانوا بيتدايقوا منها في حاجات
و اننا بنبقى محتاجين نوضح لبعض اننا اتدايقنا من التصرف الفلاني عشان نبدأ في حل المشكلة….
••••••••
فكرة الحلقة الاولى عجبتني و احب اضيف عليها بعض من ملاحظاتي :
١/ انا بعترف ان فيه ناس عندها ذكاء عاطفي و بتعرف تحاسب على قد ما تقدر على حدود غيرها … ولكن فعلاً محتاجين نحط في الاعتباران الشخص اللي قدامك ميعرفكش ميعرفش مبادئك و حدودك و اللي بيزعلك و اللي بيبسطك … فمش هيعرفها عنك غير لما تعرفهاله بنفسكعنك
٢/ لما نيجي نوضح لحد زعلنا منه .. الاتهامات و المشاورة و الغلط فيه ومحاولة اجباره على فعل شئ مش هيخليه يتغير و لا حاجة … داممكن يحفز دفاعاته فيدافع عن نفسه
أو يثبت اكتر ، او تغييره هيبقى مصطنع و هيرجع تاني
او هيبدأ يهاجمك هو كمان
او يعمل passive aggression
اللي هو هيسكت .. بس سكوته هيبقى بطريقة هترازي فيك انت شخصياً
مش هيعمل حاجة ، هيتأخر عليك ، هيرمي بالكلام ، هيتكلم عليك من وراك كدا
فسواء المهاجمة او السكوت المصاحب ليه اسفينات الاتنين بنحتاج نشتغل عليهم عشان نتواصل بطرق اكثر فاعلية و بتوصل لحل المشكلةمش بتعقدها
فنوضحله بالأسلوب بصيغة : لما انت عملت كذا انا حسيت بكذا
،،، مش انت حسستني بكذا
حاول تطلع الفرق بين الجملتين كدا مع نفسك
وشوف هتحس بايه
إرسال تعليق